Piya Tere Rang Mein...

Yun toh khoob tadpti thi saajan main tujse milne ko,

Par jab us din suna ki kuch hi din hain

muje ab piya ke ghar jaane mein…

Toh ek pal ke liye toh main...uchhal padi

Aur agle hi pal sharm ke maare simat gayi…

Na jaane kyun muje thoda dar sa lagne laga…

Ki mera dupatta mere chehre ko dhakne laga…

Socha na tha aisa, par…

Tasweer se nazaren milaane mein muje,

Sharm si aa gai…

Kaise kehti ki mujhe teri duniya sapne mein hi bha gai…

 

Jab fir se dekha tujse kuch kehne ko…

Toh kuch bhi na keh paayi,

Bas muskuraate hue meri...Meri aankhen bhar aayi…

Do Lafz...

Kaash main Nokia ka mobile hota,
Toh unke haathon ki goad mein simta hota,

Keep Smiling

Woh rakhti muje har pal apne paas,
Aur main har us pal jannat mein hota...

Tere nainon se jo kataren tez nikalti hain,

Mere seene mein jaake kahin gum ho jaati hain,

Har chubhan ke saath tera ehsaas karati hai,

Fir jab bhi dil dhadkata hai…Teri yaad aa jaati hai…

Mujhe ikrar karne nahin deti,

Yeh izhar karne nahin deti,

Hoon khafa main teri zulfon se,

Tera deedar karne nahin deti…

Dekha jo tuje khilkhilate hue,

Bilkul maasoom nazar aati hai,

teri aankhon mein bachpan chalak aata hai,

jab bhi too khilkhilati hai…

Tere aks ko chookar bhi madhosh ho jata hoon hamdam,
Ghazab ho gaya ki aaj tere nain dekhne se bhi katrate hain muje...


Muje kuch der aur tadapne de ae zaalim,
Zakhm chaahat ka thoda aur pakne de zaalim,
Tere liye deewanapan thoda aur badhne de tu zaalim...
Ki muje teri rooh mein ghul jana hai...


Tu kyun itna tadpaati hai,
Bina kuch kiye hi rula jaati hai,
Mere dil ki gehraaimein O hamdam...
Tu...Tu itna kyun utar jaati hai?!!!



Tera naam sun kar mera har khauff...kuchh darr sa jaata hai...
Harmushkil hairaan ho jaati hai...jab dushmann bhi dosst ban jaata hai...

Peena toh ham bhi khoob chaahte hain yaaron,
Par shayad fikr karta hai woh ki kabhi...
Maykhana hi nahin milta...

Tere naam sun ke aashiyana mera yun hi jagmaga uthta hai...
Ki meri palkon ko jaise pyaar ho gaya hai teri raahon se...